Transcription
1
Monseigneur, jay receu la lettre quil vous a pleu mescrire du camp devant
2
La Rochelle, du Xe de mars ; et pour respondre, je vous direy que le VIe
3[barré : de ce moys ] dudit moys, je navoys aucunes nouveles du cappitaine Areret ny de sa compagnie,
4
quy fut cause que je fus constreint de metre le cappitaine Mestral
5dans Valence [barré : mays ] , et ayant veu la commission que luy aviés baillée,
6
elle ne porte que de se rendre aveques sa compagnie à Valence et là
7
y attendre voz commandementz ou les miens ; et pour vous esclaircir des
8
occasions que jay eu de continuer ledit Maestral à Valence, cest que je
9
suis constreint de accommoder les viles de votre gouvernement des
10
cappitaines queles ont pour agreables, attendu que le païs porte la
11
despence du payement des compagnies ; et davantage, monseigneur,
12
quil est bien requis dy mettre cappitaines qui cognoyssent les humeurs
13
des hommes desdites viles, ce que ne povoyt cognoystre ledit Areret : et sy
14
vous puis asseurer quil nen y a pas une en tout votre gouvernement
15
sy chatoulleuse que Valence, ne où il y aye si grande quantité
16
de huguenaulx ; et ne puis pas fayre comme sy javoys les forces
17
en main telles que je desyreroys, car je leur parleroys autre langage ;
18
et davantage, je vous diray, monseigneur, que ceulx du Daulphiné
19ne [barré : veu ] desirent poynt estre commandés par des Savoysiens et
20
le temps est tel quil se fault accommoder aveques eulx ; et
21
neantmoings, les choses sont survenues en votre gouvernement
22
de sorte que jay retenu la compagnie dudit Areret et les autres,
23
ors mys une questoys dejà en Languedoc, et ne vous veulx celer
24
que il a très bien fayct son debvoyr là où il a esté commandé, car
25
quelque foys, il a esté mis dans le Montelymar, autres foys en
26
ceste vile où elle est, et souvent à Loriol et au bort du Rosne,
27
où il fut blessé dune harquebusade à travers la cuisse ; mays
28
au rapport des medecins et cyrurgiens, il en sera bien tost guery
29
et ne luy manquera bon trettement, et sa compagnie la receu
30
et recevra tout tel que les autres. Je ne luy ay volu fayre bailler
31
la lettre que luy avés escrite, creignant que par icele, ne luy fissiés entendre
32
le malcontentement que aviés de luy, veu quil veu quil cest payé de reyson
33
et quil a cogneu que je ne le vouloys en rien deffavoriser et que je
34
le cognoys homme voluntayre et de service ; mays je vous suplie
35
bien très humblement, monseigneur, croyre que je ne vouldroys estre né
36
sy javoys pencé dentreprendre quelque chose sus votre authorité ny vouloyr
37
mespriser voz ordonnances et commandemens, ne ayant vescu jusques à ceste
38
heure en repputation davoyr volu contester contre mes superieurs, car
39
je scay ce quy leur est deu ; et quant par quelques rapportz, vous
40
auriés occasion den croyre quelque chose, me fesant cest honneur
41
de men advertyr, je men purgeray, de sorte que vous en demeurerés
42
satisfayct ; et, monseigneur, je vous envoye la coppie de la despeche
43
que presentement je fayz au roy, par la quelle verrés les affères que jay
44
sus mes bras. Je vous suplie les vouloyr recommander à sa magesté, afin
45
que je puisse estre secoru ; et en cest endroyt etc ..., du Crest le XIIIe
46
davril 1573